Borgarhólsbraut, Vaðnesi, heitt vatn, skógi og kjarrivaxin lóð.  Lokað svæði með rafmagnshliði (símahlið).

Fasteignaland kynnir: Heillandi sumarhús staðsett innan um friðsælan skóg greni- furu- og birkitrjáa sem býður upp á yndislegan íverustað fjarri amstri hversdagsleikans.  Hús með sál og sögu um ástríka athygli enda verið endurnýjað að miklu leyti með vandvirkum hætti til að skapa aðlaðandi og hlýlegt athvarf blandað saman með nútíma þægindi jafnt sem óskertri náttúrufegurð.
 
Hjarta þessa sumarhúss er bjart og opið rými sem samanstendur af nýuppgerðu opnu eldhúsi með stórri eldunareyju, stofu og borðstofu. Falleg frístandandi kamína rammar inn hlýleika þessa rýmis.  Vandlega hefur verið hugað að hverju smáatriði, allt frá efnisvali til útlits, og lögð mikil áhersla á að þetta rými nýtist sem samveruustaður fjölskyldu og vina.
 
Þrjú svefnherbergi þar af eitt þeirra sameinað úr tveimur.  Hjónasvítan er heillandi með sér baðherbergi og nýja rennihurð þaðan sem gengið er út á viðarverönd. 
 
Gólf hússins hafa gengið í gegn um endurnýjun lífdaga þar sem bitar undir eldri hluta hússins voru m.a. styrktir í sumar.  Ofan á er hlýlegt hnotu harðparket, tilbúið til að standast tímans tönn.
 
Einn af bestu eiginleikum þessa sumarhúss er friðsæl staðsetning þess. Það er falið í miðri náttúrunni og býður upp á frið og ró, sem gerir það að kjörnum stað til að slaka á og tengjast náttúrunni. Laufaþyt og syngjandi fuglar skapa fullkomin bakgrunn fyrir slökun og endurnýjun með heitum potti allan ársins hring.
 
Húsið er upphaflega byggt árið 1972 en hefur verið stækkað í gegn um árin, síðast árið 2000.  Á s.l. tveimur árum hafa gluggar í stofu og forstofuherbergi verið endurnýjuð.  Eldhús sem var áður aðeins 3 fm er allt endurgert með fallegri innréttingu með miklu skápaplássi og stein í borðplötum.  Öll tæki ný m.a er þar vínkælir, Span helluborð og innbyggður ísskápur.
 
Skipt var um þakjárn á eldri hluta hússins s.l. sumar.  Ofnar að hluta endurnýjaðir.  Föst skápainnrétting sett upp í stofu o.fl. 
 
Innbú utan persónulegra muna fylgir með en m.a má telja ný rúm frá Svefn og heilsu í öllum herbergjum.  Sjónvarp, nýr tungusófi, tveir rafstýrðir hægindastólar frá LÚR, borðstofustólar (sjöan), útihúgsögn, ýmis verkfæri og meira mætti telja til.
 
Til hefur staðið að stækka pall í suðaustur og hefur hann verið teiknaður með útieldhúsi.  Einnig voru hugmyndir uppi um að gera heimreið að húsi.
 
Heitur pottur á verönd og baðhús þar við hlið þar sem er m.a þvottavél.  Uppi hafa verið hugmyndir um að endurnýja það og tengja betur við húsið en utangengt er í baðhúsið í dag.
Frístandandi áhaldageymsla sem er ca. 10 fm að stærð.
Húsið er á um 5500 fm eignarlandi með heitu og köldu vatni.
Árgjald í félag sumarhúsaeiganda á svæðinu er kr. 30.000.á ári.
Hús sem þessi koma afar sjaldan í sölu.  Hús sem heillar á öllum árstíðum.

Upplýsingar gefur:  Heimir H. Eðvarðsson, löggiltur fasteignasali. s. 893-1485, netfang: [email protected]